cuviarte dal libri 
Partint de Liule 
Racuelte di poesiis di
Rina Peressotti Paolini
(in italiano)

E je une racuelte di poesiis scritis cul cûr di Rine tal arc di une vite; plui di dusinte poesiis cuasi dutis par furlan ch'a a contin la storie di un paîs (Pagnà) traviers de descrizion di lûcs o piçui acjadiments; a'nd è di dedicadis a parincj o amîs in ocasion di situazions particolârs, e a'nd è altris di plui similis a un diari.

Cualchi cerce dal libri:

Il libri al è stât presentat il 5 di zenâr dal 2001 aes 8 di sere li de Baite dai Alpins di Pagnà. Ae presentazion a son intervignuts: Enzo Driussi, Ennio Moreale, il Coro "La Viarte" diret di Fabrizia Cargnello. Tu puedis viodi lis fotografiis e lei la biele descrizion di Aldo Taboga su www.natisone.it

Tu pues lei cualchi articul vignūt fūr sui gjornāi: Il Gazzettino (2 gennaio 1997), La Vita Cattolica (27 gennaio 2001), Il Messaggero Veneto (7 febbraio 2001), Il Friuli (16 febbraio 2001).

Un ringraziament a Matteo Fogale pal lavôr fat pe riscriture des poesiis in grafie uficiâl e a "zia Delia" pal sô sburt a lâ indenvant, che cence di jê no sai se o saressin rivâts fin a chest pont.

Se il libri ti pues interessâ fanusal savê cuntune email (cence nissun impegn).
Il libri si po cjatâlu tes librariis di Pagnà e te Baite dai Alpins di Pagnà, in vie Divisione Julia, dulà tu puedis ancjemò cjalâ la mostre fotografiche metude su dal omp di Rine, Riccardo Paolini, che ilustre i vons e lis fameis de bande sô e de bande de sô femine e i principâi fats de vite di Rine e de storie di Pagnà e de sô int fin al 1988. La Baite e je viarte di domenie des 10 aes 13 cirche.
Par informazions contate Fabiano, Ornella, Maurizio o Emanuele.



Note pai letôrs di "Partint de Liule"

Si scusìn pes eventuâls inesatecis ripuartadis su notis o didascaliis.
O invidìn ducj chei che an corezions, integrazions o altris informazions sui fats contâts a metisi in contat cun nô.
Cheste racuelte e ten dentri dutis lis poesiis di Rine che o vin cjatât.
O ringraziìn fin di cumò ducj chei che a podaran fânus vê eventuâl altri materiâl scrit di jê che nô no sin a cognossince.

Consulte l'atuâl errata corrige.

Tu pus lei līs puisīs che vin cjatāt dome dopo la publicazion dal libri: A Bruna e Tarcisio nuviēs, Don Marco, Evelina e Remo Crapis.
WebMaster