da "La Vita Cattolica" del 27 gennaio 2001

200 a scoltā lis poesiis di Rine

Si sa che in Italie si lei pōc, ma si scrīf tant. Ogni altre dģ un gnūf libri al ven presentāt a trente, cuarante pasionāts, che a comprin l'opare firmade dal autōr e la sistemin di corse tal scafāl dal tinel. Se po il libri al è di puisiis, alore i pasionāts si dimiezin.

A Pagnà ai 5 di Zenār, al è stāt presentāt un gnûf libri di puisiis "Partint de Liule. Puisiis di Rine Peressotti" e, cuintri la tende gjenerāl, cuintri ogni logiche, cence che l'autōr al sei present a firmā l'opare, dusinte e plui personis a àn jemplāt la sale grande de baite dai alpins, e ancje tancj, difûr, no an podût jentrā. Un meracul, une straordenaretāt che Enzo Driussi tal presentā il libri al a definīt normāl par un che al lei chei sfueis. "Al è il grant cûr di Rine - al č dit - il so amōr par Pagną, pe sō int, pai nuviēs e i cresemāts, che al pant ancjemō, che al a clamāt culì dut un paîs".

In plui di 300 pagjinis i fîs di Rine Peressotti a àn metût adun lis puisiis che lōr mari e a butāt ju par cuarante agns. Puisiis che a cjantin la vite semplice di une volte: lis gnots te stale, i cavalīrs, il disfueā, li rogazions. Puisiis butadis ju di corse par fā fieste insieme di nuviē, a chei de classe, par un batisin, in ocasion dal ingrès dal plevan o pes gnocis d'aur, puisiis dispès compagnadis di fotografīs o dai dilicāts disens di Dino Coccolo.

Cussì, puisie daûr puisie, si spalanche denant dal letōr la vite di cuarante ains di Pagnà, la so storie plui vere, la storie de so int filtrade a traviārs dal grant cûr di Rinute Peressotti. Un libri ancje par ducj i furlans, che a no pensin che dome un artist che al rispiete la metriche e la rime e al scrīf seont li regulis al fās puisie furlane. Puisie al è ce che di plui biel al ven dal cûr, e tal cûr di un altri al jentre dentri e lu jemple, e lu inflame e lu trasforme.

Pagina principale