da "La Vita Cattolica" del 27 gennaio 2001 200 a scoltâ lis poesiis di Rine

Si sa che in Italie si lei pôc, ma si scrîf tant. Ogni altre dě un gnűf libri al ven presentât a trente, cuarante pasionâts, che a comprin l'opare firmade dal autôr e la sistemin di corse tal scafâl dal tinel. Se po il libri al è di puisiis, alore i pasionâts si dimiezin.

A Pagnà ai 5 di Zenâr, al è stât presentât un gnûf libri di puisiis "Partint de Liule. Puisiis di Rine Peressotti" e, cuintri la tende gjenerâl, cuintri ogni logiche, cence che l'autôr al sei present a firmâ l'opare, dusinte e plui personis a àn jemplât la sale grande de baite dai alpins, e ancje tancj, difûr, no an podût jentrâ. Un meracul, une straordenaretât che Enzo Driussi tal presentâ il libri al a definît normâl par un che al lei chei sfueis. "Al è il grant cûr di Rine - al č dit - il so amôr par Pagnŕ, pe sô int, pai nuviçs e i cresemâts, che al pant ancjemô, che al a clamât culì dut un paîs".

In plui di 300 pagjinis i fîs di Rine Peressotti a àn metût adun lis puisiis che lôr mari e a butât ju par cuarante agns. Puisiis che a cjantin la vite semplice di une volte: lis gnots te stale, i cavalîrs, il disfueâ, li rogazions. Puisiis butadis ju di corse par fâ fieste insieme di nuviç, a chei de classe, par un batisin, in ocasion dal ingrès dal plevan o pes gnocis d'aur, puisiis dispès compagnadis di fotografîs o dai dilicâts disens di Dino Coccolo.

Cussì, puisie daûr puisie, si spalanche denant dal letôr la vite di cuarante ains di Pagnà, la so storie plui vere, la storie de so int filtrade a traviârs dal grant cûr di Rinute Peressotti. Un libri ancje par ducj i furlans, che a no pensin che dome un artist che al rispiete la metriche e la rime e al scrîf seont li regulis al fâs puisie furlane. Puisie al è ce che di plui biel al ven dal cûr, e tal cûr di un altri al jentre dentri e lu jemple, e lu inflame e lu trasforme.